Sortalde, Usurbilgo Energia Berriztagarrien Komunitatea Koop. S. da. Energiaren krisi betean, izaera juridiko berri hau eratzea erabaki dugu 30 herritarrok, Usurbilgo Udalak lagundutako parte-hartze prozesu baten ostean.

Irabazi Asmorik gabeko Kooperatiba integral honen bitartez, Usurbil mailan energia transizioaren erronkari aurre egiteko gure alea erein nahi dugu. Gure asmoa ekimen hau herritar, elkarte, enpresa zein entitateei zabaltzea delarik, ahalik eta parte hartzea zabalena izan dezan.